الماء

يعتبر الماء واحد من أهم عناصر الحياة على سطح الارض, بلا بيه ميمكنش تكون هناك حياة قائمة. بحيث تيشكل الماء فجسم الانسان نسبة %70, اللي تيجعل منو مكون أساسي لضمان الحياة والنمو

ولاكن حنا متنعرفوش اول حاجة على الماء تنقصد منين جا الماء اللي هو أساس الحياة على كوكبنا؟

wwatae

كلنا سمعنا على دورة حياة الماء, التبخر من المحيطات والبحيرات, التكاثف والتشكيل ديال الغيوم, هطول الامطار باش تعمر المحيطات والبحيرات, كل هذا كان له معنى. باستثناء واحد الحاجة وهي انه مكينش شي تفصيل شرح لينا منين جا الماء باش تبدا هاد دورة الحياة

للدقة فإن أصل الماء على الكوكب ديالنا عندو قصة معقدة تترجع ل 13,8 مليار عام هادي, هنا كاين الجزء الي تنظنو أننا تنفهموه مزيان: فخلال جزء من ترليون من الثانية الاولى بعد الانفجار العظيم انطلقت الطاقة فالفضاء, وخلال الدقائق الثلات الي من بعد وقع تصادم وتزاحم ديال هاد المكونات البدائية فاتحدت وتجمعت باش تكون بذلك أول نواة ذرية

الانتاج ديال الهيدروجين  بشكل وافر تيتعتبر بداية ملائمة باش اتشكل الماء, ولكن ماذا عن المكون الرئيسي الاخر لي هو الاوكسجين؟

“الهيدروجين أكتر العناصر الكميائية وفرة في الكون”

وقع داكشي ملي وجدت النجوم, والي كانت موجودة بزاف بعد مرور مليار عام على الانفجار العظيم, فالاعماق الداخلية الحارة للنجوم تشكلت عناصر أعقد بحال الكربون والنتروجين والاوكسجين…و فمرحلة لاحقة من حياة النجم تتقذف الانفجارات هاد العناصر فالفضاء. بحيث تيمتزج الاوكسجين والهيدروجين باش إتكون الماء

هادا ماشي كلشي, حيت التاريخ القديم ديال الارض بما في ذالك الحقب الي تميزت بدرجات حرارة عالية بزاف فالجو اللي تيحيط بالارض, بالاضافة أنه مكانش وجود ديال غلاف جوي, هذا أدى إلى تبخر الماء الموجود والعودة ديالو للفضاء

الفرضية الرائجة هي أن الماء جاء لكوكب الارض عن طريق المذنبات

المذنبات كيفاش؟ المذنبات عبارة عن كثلة من الصخور والجليد وأحادي أكسيد الكربون وشويا ديال الميثان والامونيا. المذنبات الي ارتطمت بكوكب الارض كان فيها الجليد الي تحول على شكل ماء سائل بسبب الموقع ديال كوكب الارض من الشمس والي تيسمح بتشكل ديال مركب الماء ضمن الحالة السائلة

اذا الماء اللي تنشوفوه اليوم على ما يبدو غيكون وصل لينا بعد مرور وقت طويل على تشكل الارض

في المرة القادمة الي غتحل فيها الصنبور, فكر فالرحلة الطويلة الي قطعها الماء باش يوصل ليك

حنا مزال تنقلبو عن مصادر الماء في الفضاء عن طريق العديد من الرحلات اللي غتعطينا تقارير مفصلة  على الماء

تتعتبر رحلة جونو الى المشتري ولي غتكمل المهمة ديالها الرسمية سنة 2018 واحدة من الرحلات الي ممكن تجاوب على هاد السؤال الهام حول مصدر الماء على كوكب الأرض

المراجع:

http://www.smithsonianmag.com/science-nature/how-did-water-come-to-earth-72037248/?no-ist

https://herschel.jpl.nasa.gov/solarSystem.shtml

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s