ماهو تغير المناخ؟

   العمر ديال الكوكب ديالنا هو 4,5 مليار سنة و العمر ديال الإنسان هو 140 ألف سنة تقريبا, إلى درنا معادلة بسيطة واعتبرنا بلي العمر ديال الكوكب هو 24 ساعة، غادي نلقاو بلي داز على الوجود ديالنا 3 ديال الثواني.. 3 ديال الثواني فقط وشوف شحال بدّلنا فالكوكب ديالنا

   كا نقولو بلي حنا عقلاء حيث كتاشفنا الذرات، وصلنا للفضاء، صنعنا أجهزة متطورة و طورنا العلوم باش تسهال الحياة ديالنا اكثر فاكثر

   و لكن في نفس الوقت،  تسببنا فبزاف ديال المشاكل اللي كتؤدي لتدمير حياة الإنسان و الكوكب. من بين اكبر هاد المشاكل تنذكرو تغير المناخ

   تغير المناخ هو التغيير اللي تيظهر فالطقس فمدة طويلة من الزمن فشي منطقة معينة. و لكن واش عرفنا بعدا الفرق بين الطقس و المناخ ؟

الطقس هو التغيير الي تيظهر فالغلاف الجوي دقيقة بدقيقة

أما المناخ  هو كيفاش كايتحول الطقس فمدة طويلة من الزمن فمنطقة معينة.

   المغرب بحالو بحال جميع الدول مهدد بهاد التغيير, التاثير الاساسي لتغير المناخ في المغرب تيكمن في ارتفاع درجة الحرارة و انخفاض هطول الامطار و الخطر المستمر ديال الفيضانات و الزلازل

عدد السكان تضاعف 3 المرات في 50 سنة الماضية لي خلا الموارد الطبيعية للبلاد تحت الضغط, أكثر من  80%  من سكان المناطق الحضرية تيعيشو فالمناطق الساحلية

مع حوالي  3400 كيلومتر من الساحل, المغرب مهدد بشكل خاص من ارتفاع مستوى سطح البحر، و تغير المناخ تيشكل خطر حقيقي على الزراعة، صيد الاسماك، امدادات المياه، السياحة و النظام الايكولوجي

   المغرب عرف بأهمية هذه الظاهرة بحيث صادق على اتفاقية الامم المتحدة لتغير المناخ سنة 1995 و وضع سياسات وطنية لتغير المناخ منها الخطة الوطنية لتطوير مصادر الطاقة المتجددة، الخطة الوطنية لمكافحة ظاهرة الانحباس الحراري فضلا على مخطط المغرب الاخضر

هينعقد هاد العام بمدينة مراكش COP22 كما ان مؤتمر الامم المتحدة لتغير المناخ

   خاصنا نعرفو باللي الازمة الحقيقية و هاد المشاكل و الاعراض حنا اللي خلقناها و كاينا بسببنا, وكيفما كنا السبب ممكن اننا  نكونو من الحل

خاصنا نحميو الطبيعة الام حيت من حقنا و من حق الاجيال القادمة الاستفادة منها بلا مانضروها

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s